Zəngilan rayonunun Ağalı kənd orta məktəbində “Bilim hər yerdə” layihəsinin icrasına başlanılıb. “Final”ın dəstəklədiyi layihə "ASAN Xidmət"in İnnovasiyalar Mərkəzi və "Bilim Bakı" mərkəzləri tərəfindən reallaşdırılır.

Tədbir çərçivəsində mərkəzin müəllimləri tərəfindən 100-ə yaxın şagirdə riyaziyyat, dizayn, təbiət elmləri, texnologiya, astronomiya, sahibkarlıq sahəsində müxtəlif təlimlər və ustad dərsləri keçilib, proseslərin vizual izahı üçün müşahidələr və təcrübələr aparılıb.

Layihənin məqsədi ucqar ərazilərdə yaşayan 6-14 yaş arası şagirdləri müasir elmlə tanış etmək, onların proqramlaşdırma və texnoloji bacarıqları öyrənmələrinə şərait yaratmaq, innovasiya və texnologiya sahəsində məlumatlılığı artırmaqdır. Gələcəkdə “Bilim hər yerdə” layihəsi ölkəmizin digər bölgələrini də əhatə edəcək.

30 ildir ki, istehlakçılar tərəfindən sevilən və klassikaya çevrilən “Final” çay bir müddət öncə Xankəndi şəhərində təşkil edilmiş Qarabağ- MOİK görüşünün də təşkil edilməsinə dəstək olmuşdu. Azərbaycanın idman tarixinə qızıl hərflərə yazılmış oyunu izləyən minlərlə ziyarətçi “Final” markası tərəfindən çayla təmin edilmişdi.

“Final” çay markasının dəstəyi ilə “Bilim hər yerdə” layihəsinə start verilib.