«Qafqaz Konserv Zavodu» MMC 12.09.2003-cü il tarixində Xaçmaz rayonunda fəaliyyətə başlamışdır. Müəssisənin ümumi sahəsi 40 hektara yaxındır. Qafqaz Konserv Zavodu illik 20-25 (13-15 faktiki) min ton meyvə-tərəvəz konservi və 9 (6 faktiki) min ton ət konservi məhsullarının istehsalı gücünə malik olmaqla, Azərbaycan Respublikasının Şimal Regionunda Kənd Təsərrüfatı məhsullarının əsas alıcısı kimi fəaliyyət göstərir. Müəssisədə 350 nəfərdən artıq işçi çalışır. Yaxın illərdə fabrikdə yeni məhsulların istehsalı ilə istehsalat sahələrinin genişləndirilməsi nəzərdə tutulur. İstehsal həcminin artması işçilərin də sayının bir neçə dəfə artmasına şərait yaradacaq.

İnkişafındakı dinamikliyi möhkəmləndirmək, ixrac potensialını genişləndirmək məqsədi ilə «Qafqaz Konserv Zavodu»MMC Azərbaycan Respublikasının Qanunvericiliyinə uyğun olaraq, beynəlxalq normalar çərçivəsində həyata keçirir.

TS-EN-ISO 9001:2015

FSSC 22000 – Food Safety System Certification

KOSHER

HALAL

AQTA

Uyğunluq sertifikatı

Müəssisə 120-ə yaxın məhsul çeşidi istehsal etməklə məhsullarının 50-60%-nin yerli bazara satışını həyata keçirir. Müəssisənin ən əhəmiyyətli hədəfi şərtsiz müştəri məmnuniyyətidir. 

Hər zaman istehlakçılara yüksək keyfiyyətli məhsullar təklif edən fabrikdə Türkiyə, Almaniya, İtaliya, Avstriya kimi ölkələrin qabaqcıl şirkətlərinin avadanlıq və təchizatları ilə təmin olunmuşdur. Bütün İstehsal Xətlərində Qida Təhlükəsizliyinə və Keyfiyyəti İdarəetmə Sisteminə uyğun olaraq istehsal prosesi aparılır.

Qafqaz Konserv Zavodunun məhsullari tənəkə, şüşə qablaşdırmalarda, aseptik torbalarda, karton və plastik qablaşdırmalarda istehsal olunur. Məhsul qrupları aşağıdakı kimidir:

Ət Konservləri

Hazır yeməklər

Ətli sıyıqlar

Tomat pastası

Meyvə püreləri

Kompotlar

Mürəbbələr

Cemlər

Povidlolar

Jelelər

    Fabrikin müasir anbar infrastrukturuna malik olması onu öz sektorunda qabaqcıl şirkətlərdən birinə çevirmişdir. Bazar iqtisadiyyatının təşəkkül tapdığı bir dövrdə müasir texnologiyaların istehsalata tətbiqi, eləcə də müştəri məmnuniyyəti «Qafqaz Konserv Zavodu» MMC-nin əsas fəaliyyət istiqamətidir.

Müəssisə işçilərin rahatlığını təmin etmək məqsədilə işçilərin iş vaxtı çay və isti yeməklə, işə gəlib getmələri üçün nəqliyyat vasitəsilə, həmçinin xüsusi iş geyimləri ilə təminatını yüksək səviyyədə həyata keçirir. İşçi heyətinin bilik və bacarıqlarının, peşəkar səviyyəsinin artırılması üçün şirkət hesabına daxili, xarici təlimlər və seminarlar təşkil olunur. Fabrik işçilərinin və müştərilərin təhlükəsizliyini təmin etmək məqsədi ilə işçilər mütəmadi olaraq tibbi müayinədən keçirilir.

 

Biləsuvar Konserv Zavodu
 
Biləsuvar Konserv Zavodu 2010-cu ildə ölkə prezidenti İlham Əliyevin Sahibkarlığın İnkişafına dəstək siyasətinə uyğun olaraq dövlətin güzəştli krediti və “Azərsun Holdinq”in vəsaiti hesabına qurulub.
Fəaliyyət sahəsi müxtəlif konservləşdirilmiş məhsulların istehsalı olan zavodda “Bizim Tarla”, “Bostan”, “Saville”, “Chveni Supra”, “Final”, “Blendo” markaları altında tərəvəz turşuları, badımcan kürüsü, tomat pastası məhsulları, o cümlədən xüsusi olaraq Azərbaycan brendi kimi “Bizim Tarla” markası altında tərəvəz və turşu məhsulları istehsal olunur. Müəssisə regionun və eləcə də ölkənin qida təhlükəsizliyinin təmin edilməsində mühüm yer tutur. İstehsal gücü bütün məhsullar üzrə ildə 25 000 ton olan zavodda 700-800 nəfər işçi çalışır. Müəssisə bölgədə işsizliyin azaldılmasında mühüm rol oynamaqla yanaşı ətraf rayonlarda fəaliyyət göstərən istehsalçılardan və əhalidən müxtəlif meyvə və tərəvəzlərin qəbulunu həyata keçirərək kənd təsərrüfatının inkişafına da öz töhfəsini verir.
Biləsuvar Konserv Zavodunda İtaliya, Almaniya, Türkiyə, İsrail kimi ölkələrdən alınmış ən son texnologiyalara əsaslanan avadanlıqlar quraşdırılıb. İstehsalatın İSO-9001 və FSSC 22000 standartlarına uyğun olaraq aparılması istehsal olunan məhsulların daxili və xarici bazarlarda istehlakçıların rəğbətini qazanmasına səbəb olmuşdur. Zavodda istehsal olunan məhsullar Rusiya, Ukrayna, Almaniya, Moldova, Dubay, Gürcüstan, İraq, ABŞ, Kanada, Latviya, Litva, Estoniya, İtaliya və digər ölkələrə ixrac olunur. Biləsuvar Konserv Zavodu regionun ən böyük konserv istehsal müəssisəsidir.
Lənkəran Konserv Fabriki
 
Lənkəran Konserv Fabriki 2009-cu ildə Azərbaycan Respublikasının Prezidenti cənab İlham Əliyevin Sahibkarlığın İnkişafına dəstək siyasətinə uyğun olaraq dövlətin güzəştli krediti və “Azərsun Holdinq”in vəsaiti hesabına qurulub. İllik 15000 ton istehsal gücünə malik olan fabrikdə 80 nəfər işçi çalışır ki, mövsümdə bu say 350 nəfərə çatır. Müəssisənin ərazisi 7,79 hektar təşkil edir.